12/11/2017

Vêtiâ la gazètta du mê(k) de novèmbro ... bonâ veyâ

journal, gazette, patois, lionel fontannaz

 

.. et quinta météo ?

Aprî la tomèntâ de ceta demènze, y va oncora balyér de nêk delon tant qu'a 600-800 mètro.

Demârs et demècrô la bisâ va chofflâ; èl sarêt prô fortâ diens la cotse (lù carô) de Dzenèvâ.
Lù solê va tornâ a cha-pou chu les son-chèrra [sondzon] mas bas a planna y fodrêt comptâ chu des niolâ bassâ (stratus). Quâques niolâ-bassâ pôrrènt asse-bèn covrî la combâ du Rhonô.

 

28/10/2016

Ottôbrô més frê(k) que de couthumâ - por los zhôr que vugnont du solè et des niolâ bassâ

 Bonzhô a tuî et totâ

Ceti mê(k) d'ôttobrô éro més [mî] frê(k) que de couthumâ. Adon comènt lo mê(k) de sèttembrô éro més tssô [tssâ] que de couthumâ , ceti mê(k) d'ôttobrô nos a bettâ [mèthu(k)] drê(k) u métèn [mèkten] de l'ôton [l'an-darî].

Nos z-èns yu des coup d'a bisa et tôt-parî prô de nê chu lo sondzon [son-chèrra] des viadzô bas tantqu'a 1000 mètro .

Dièns ceti tèmps -tye, bas planna y'a balyé oun mache de dzelâye.

U mèten du mê(k) d'ottobrô l'oura du midzô et lo vènss (medze-nê ; foehn) a fé crêtre unâ mitâ (oun tchikèta, un bocon) los tempèraturâ. Demâr lo 25 l'oura du midzô [vent du midi] a balyé oun mache de plodze. Y'a surtôt roillâ de Dzenèva tant qu'a Vevey.

 

Ora et tant qu'a demècrô [dumècro] , nos sènt u mèten d'unâ hiotâ prèssion [prèchon], adon y'arêt oun mache de solè u Vâlè, u Val d'Outâ, et lo matèn des niolâ bassâ (stratus) chu lo platè suissô.

Dejô [dezou] lo tèmps pôrrêt s'ènnublâ et balyé quâque plodze.

 

Arevêr et tant qu'a oun atrô viadzô [yadze]

 

Clic inque por acutâ [ahuktâ]

podcast

 

blog_prepa_1.png

 

blog_prepa_2.png

 

11/08/2016

trouâ de niolâ por arguètâ los éthèlâ volèntâ...pouès quasu unâ senanna de solè/féleux/cholâ

Bonzhô a totâ et tuî,

Adon lo congièr sènt fornî(k) et nos fô tornâ a l'uvrâ.

Lo davoue premîr senanna du mê(k) d'Oût  ènt étâ [a igtha] prô bravâ/zinta avouè surtôt des zornivâ de solè et solâment davoue/dave zornivâ de niolâ et de plodze, lo catro (4) et lo nou (9). Sleu-lé/celos-lé sènt balyé des tempèratura unâ mitâ [tchikètâ] mé frê(k).

 

Por lo zhôr que vugnont y farêt franc biô, du solè et des températurâ qu'y vont crêtre (de devèndrô tant qu'a demècrô).

Mas por la né(tte) de dejô/dezou du 11 d'Oût tant qu'a l'èntran de la matenâ de devèndro/duveïndro y'arêt prô de niolâ chu nouthron payi(k), adon y sarêt pas leïnno/ejâ/comodô de r'getî/d'reguètâ/d'arguètâ/d'avouètchiér/de vouètî [regarder] los étèlâ/éthèlâ [étoiles].

 

arevêre et tant qu'a la premîr .

Clicâ inque/che por acutâ/ahuktâ:
podcast

 

nette_des_ethela.png

eps_gfs_arpitan.png

26/02/2016

Unâ petiotâ gazèta èn patouè "Lo rebiolon" (lengoua francoprovençal, arpitan)

journal_lo_rebiolin_20160226.png

10/01/2016

Oun crouè tèmps avouè d'a plodze, oun mache de nê et des côp unâ tormèntâ

Bonzhô a tuî et totâ,

Lo tèmps du mê de Dzanvî l'éro (l'a) franc tsanzî comènt nos z-èns publiâ. Aprî oun mê de décembrô troua chè, depouès l'èntran de ceti novèl an nos z-èn yu oun tèmps prô ènnublô et qu'a bayer bèn de plodze et d'la nê chu lou sondzon de nouthro mountagne/son-chèrra [sommets].
L'oura qu'y choffle d'Atlanticâ tant qu'u payis francoprovençal va adé portâ oun mache/mouè de niolâ/nioulâ , de plodze et asse-bèn de nê d'amount lou mountagne quasu tant qu'a la fin de senanna/chenanna (12.01 tant qu'au dessèndo lo 16.01). Y farêt més/mî frê(k) adon y va nevêr quasu bas a planna (700-800m) . D'amount les mountagne y va couchiér [neiger fortement], adon y'arêt pertôt oun mache de nê.

L'oura a dzâ pouramènt chofflâ los zhôr passâ. Mas ceta senanna, surtôt delon et demârs que vint y farêt éfè [peut-être] unâ tôrmèntâ chu lo payis arpitan. Y va tempêtâ/ténèvrâ chouk a mountagne mas tôt-parî bas a planna..
Por cèn qu'y va bayér oun mache de nê et tôt-parî de l'oura, lo risko de lavèntse (avalanche) va adé crêtre pertôt.
Vos bayô lo conseil de rguètâ/avouétchiè la padzô de MétéoSuissâ por savêr yô/avoue , quand, et quinta forçâ sarêt ceta tempêtha.

 

Acutâde/ahuktâde lo textô
podcast

 

blog_prepa.png

 

blog_prepa.png