12/03/2013

L'tin de demâr lé 12 dé mâ a dessando lé 16 dé mâ 2013

 
Demâr lé 12 (doje) dé mâ 2013:

  • L'matin, l'tin sara en-nyolâ avoué d'la plyozhe. Su l'Valèse onco on bocon de soleu.
  • L'aprî-midzo, kake kâra de soleu, mâ decé delé kake ptyouta kâra de plyozhe .

  • Su l'val d'Aoûta l'tin sara adè an-nyolâ avoué de la plyozhe.
  • L'aprî-midzo 9 (nou)  a 13  dègré.

 
Demecrô 13 (trèje) et dessendo lé 16  dé mâ  2013

  • Demecrô: Grôssa Frai, Y'é l'ivé ke r'vin shi no!! L'tin sara môvé, on kofo (Kôfiô) d'tin, an-neblo avoué kake kâra de naî tan k'a d'avo d'la plan-na. Demecrô y'va fère la bize, avoué ouna fran koud'frâ, d'abo su lo noo de la suissa, tantou su la Savouè, aprè su lo Valèse, l'aprî-midzo 2 a 6 dègré.
    Su l'val d'Aoûta, in-neblo avoué kake plyozhe.

  • Dejô, Y fèra ounna cramena (cramine), surto d'amo d'la MONTANYE, é assébin su la Plan-na d'la Suisso é le Chablé avoué ouna balyî biza. Kake Kâra de naî, mâ dévant la né y va achûta .  Su l'val d'Aoûta, l'tin sara myo, y'ara preu de soleu. Mâ, yé fèra l'uvra, ouna vèrètâblo bourâ ké arevâ fran de chamouni é du Valèse. To du lan dé l'Alpe, yé s'ra onco fran an-neblo.  L'aprî-midzo 8 dégrè.

  • Devendro, adè frâ, mâ la biza va dékraitre, l'tin sara on bocon myo, puto chè avoué kake kâra de soleu.  A Aoûta, byo soleu avoué l'vin du noo ké va dékraitre.

  • Dessandro: l'syèlo s'annebli dèpouè lé couchant, é pè tâ la plyozhe va avancî perto.

    Vocabulaire :
    Achûta :s'arrêter de pleuvoir ou de neiger (note: "A la Chûta" veut dire à l'abri de la pluie)Couchant (lé): l'ouest
    Dévant : avant
    Grossâ Fraî: gros froid
    Ivé : l'ivé = l'hiver
    Kashî : caché
    Kofo = sale (Kofio, Kofié)
    Pè tâ : plus tard
    quemeint:comme (vd)
    Né (la): la nuit (ou le soir)
    Shâté: Château (ici pour des nuages cumulus bourgeonneant)
    Tantou : l'après-midi. Tantou/Tanto/tototra, signifie aussi dans un moment, un instant.



    Voir aussi le vocabulaire des bulletins précédents.

    IMPORTANT:Ce bulletin Météo n'a pour objet que d'enseigner le patois et non pas de renseigner avec fiabilité sur les conditions du temps en cours ou à venir

    photo20130311_ap_midi.JPG
    Delon lé 11 dè mâ 2013: on ne pouâve pâ mé vêr l'Mon-Blan,nommâ assébin "l'Gran-Dômo",  ké l'étant kashî derraî de niole dézha grou quemeint dà shâté.


11/03/2013

L'tin de delon lé 11 dé mâ a devendro lé 15 mâ 2013

 Delon lé 11 (onj) dé mâ 2013 :

  • Pertot l'tin sara an-nyolâ, kake Kâra de féleû (soleu) su lo midzo.
    Lé kâra de plyozhe san possiblyo sé matin é assébin l'aprî-midzo é su la véprenna.

  • Su l'val d'Aoûta, kake kâra de soleu, aprî l'syèlo s'annebli avoué kake kâra de plyozhe possiblyo.

  • L'aprî-midzo 9 a 13 (trèzè) dègré.

 
Demâr lé 12 (doje) dé mâ 2013:

  • Decé delé kake ptyouta kâra de plyozhe possiblyo. L'aprî-midzo kake kâra de soleu, surto su lo PLAN-NA .
    Demâr y'va fère la bize.

  • Su l'val d'Aoûta l'tin sara an-nyolâ avoué kake kâra de plyozhe.

  • L'aprî-midzo 6 (chi, chai) a 10 (Dijé) dègré.

 
Demecrô 13 (trèje) et devendro lé 15 (quienzè / tchienje) mâ mâ 2013

  • L'tin sara môvé, on kofo (Kofio) d'tin, an-neblo avoué kake kâra de naî tan k'à la plan-na. Demecrô y fara frâ, ouna fran koud'frâ, d'abo su lo noo de la suissa, tanto su la Savouè, aprè su lo Valèse, l'aprî-midzo 2 a 6 dègré. Dejô, Y fèra ounna cramena (cramine), surto d'amo d'in la MONTANYE, é assébin su la Plan-na Suisso é le Chablé avoué ouna balyî biza.
    Devendro, adè frâ, mâ la biza va dékraitre, l'tin sara on bocon myo, puto chè avoué kake kâra de soleu.

  • Su l'val d'Aoûta, demecrô, in-neblo avoué kake plyozhe. Dejô, mélyorachon, y'ara preu de soleu. Mâ, yé fèra l'uvra, ouna vèrètâblo bourâ ké arevâ fran de chamouni é du Valèse. To du lan dé Alpe du Noo, yé s'ra onco fran an-neblo. Devendro byo soleu avoué l'vin du noo ké va dékraitre. L'aprî-midzo 8 dégrè.

 

Vocabulaire :
Assébin : aussi , également
Dékraitre : diminuer
Petou : plutôt.
Perto : partout
Tan k'à la plan-na : jusqu'en plaine . Tan k'à lènô (jusu'en haut)
la véprenna : la soirée
Voir aussi le vocabulaire des bulletins précédents.


 

IMPORTANT: Ce bulletin Météo n'a pour objet que d'enseigner le patois et non pas de renseigner avec fiabilité sur les conditions du temps en cours ou à venir

 

 

10/03/2013

L'tin shi no de Demeinzhe 10 mâ a djô 14 mâ 2013

 Demeinzhe 10 (djié) mâ :

  • To l'matin kake niolan su lo PLAN-NA, mâ min ke hiè dessandro. La zhornâ , y'ara preu de soleu avoué dé passazho de niole.
  • Su lo vépro, ouna kâra de plyozhe l'è adî possiblyo. Ouna ptyoute orazho l'è asse possiblyo surto to l'lon du Dj(z)ura.
  • L'aprî-midzo 12 a 14 (Catorje) dègré.

 
Dé delon 11 (onj) à demâr 12 (doje) mâ 2013:

  • Dé niole é dé kâra de soleu. Decé delé ouna ptyouta kâra de plyozhe possiblyo. Delon l'a naî sara d'amo dé 1000m, pouè demâr vè 800m.
    Demâr y'va fère la bize.
  • Su l'val d'Aoûta l'tin sara an-nyolâ avoué kake kâra de plyozhe.
  • L'aprî-midzo 6 (chi, chai) a 10 (Dijé) dègré.

 
Demecrô 13 (trèje) et dejô 14 (cartoje) mâ 2013

  • L'tin sara môvé, on kofo (Kofio) d'tin, an-neblo avoué kake kâra de naî tot ein avau. Y fèra ounna cramena (cramine) avoué na (ouna) balyî bize.
  • Y fara frâ, ouna fran koud'frâ, l'aprî-midzo 0 dègré.
  • Su l'val d'Aoûta, demecrô, in premî yé sara in-neblo . Du cein, amélyorachon, l'tin mèlyèraman (sara myô). Mâ, yé fèra l'uvra, ouna vèrètâblo bourâ ké arevâ fran de chamouni é du Valèse. Dejon, adè de la bourâ é preu de soleu.To du lan dé Alpe du Noo, yé s'ra onco fran an-neblo.



 

Vocabulaire :
Amélioration : amélyorachon
Arriver : AreVÂ, arouvâr
Adè : toujours (savoyard). Adî (vaud)
Bourâ : vent en tempête = Borâ, ovyî ; roflâ (morzine)
D'amo dé : au-dessus de
Du cein : ensuite (vd)
Deu : doux
Féra l'uvra : faire du vent. É fâ l'uvra (il fait du vent)
Fran : franchement, nettement
Hiè: Hier  ; Yi =hier (bellevaux)
Véritable : vèrètâblo
pu : ensuite, puis
la PLANNA (Prononcé la Plan-na) = la plaine. Sinon le Plateau Platô,Platè,
PlyATA (terrain plat, plateau). L'objet (Plateau)=PlyaTYÔ.
mèlyèraman : mieux = myô, myeu.
To (Toû) : tôt
Uvra : vent
l'Soleu : le soleil . (variante le Fèleû).
2013: Dô mélé trèje.


 

IMPORTANT: Ce bulletin Météo n'a pour objet que d'enseigner le patois et non pas de renseigner avec fiabilité sur les conditions du temps en cours ou à venir


 

photo_20130310.JPG

 

 


 

 

 

 

 

 

Demeindze 10 mâ, y fè soleu par Geneva avoué kake niole décé-délé.

geneva_20130309_15h00.JPG

Dessendo 10 mâ, l'tin l'é niolu a Geneva, avouè on bocon de soleu.

 

Région Francoprovençale:
GENEVA, NÔCHÂTEL, FRIBÔRG,VÔD,VALÈS, SAVOUÈ, BUGÈ, DÔFENÂ, FRANCHE-CONTÂT, BRÊSSE, DOMBA, LIYONNÊS, FORÊZ, BIOJOLÊS, VÂL D'AOÛTA, PIEMONT, FRANCHE-CONTÂT.

 

 

 

08/03/2013

L'tin de Dessando lé 09 dé mâ a demecrô lé 13 dé mâ 2013

Dessando lé 09 (nou) dé mâ 2013 :

Deman l'matin preu de soleu, mâ dèvant midzo (mi-jorn) l'syèlo è tramèlu. In aprî lé niole dveniran pertot mé konsékan avoué dé ptyouta PlyOZHE. L'a naî sara d'amont 1500m. L'Valèse sara chè.

Demeinzhe 10 (djié) mâ :
Su l'ârba , kake niolan d'avau, adan que tot l'dzo (jhère) l'ara on bio soleu. Su lo vépro, y'ara dé moui do trame, ké san dé niole bin hyô (cirrus).

Dé delon 11 (onj) à demâr 12 (doje) mâ 2013:
Dé niole é dé karâ de soleu. Decé delé ouna ptyouta karâ de plyozhe possiblyo. Delon l'a naî sara d'amont 1000m, pouè vè 800m. Su l'val dAoûta l'tin sara an-nyolâ avoué kake karâ de plyozhe.Demâr y'va fère la bize.

 

Demecrô 13 (trèje) mâ 2013

 L'tin sara môvé, on kofo d'tin, an-neblo avoué kake karâ de naî tot ein avau. Y fèra ounna cramena (crâmine) avoué na balyî bize. Su l'val dAoûta l'tin sara oncora deufa, mâ asse niolu.


Merci pour vos commentaires, corrections et variantes.

Arvi Pâ

 

Vocabulaire:

 

Adan que : alors que (vd)
an-neblo : nuageux (il existe beaucoup de variante)
deufa : doux (Bellevaux)
Cirrus en filament : lé trame ; lé prin (les 1er?)
Decé delé : deci delà
Demâr y'va fère la bize : mardi la bise se lève (il va faire de la bise)
Dèvant midzo: avant midi
Bin hyô : très haut
Niolan : Brouillard.
On kofo d'tin : un sale temps.
Y fèra ounna cramena avoué na balyî bize : Il fera très froid avec une bise modérée.

Région francoprovençale:
GENEVA, NÔCHÂTEL, FRIBÔRG,VÔD,VALÈS, SAVOUÈ, BUGÈ, DÔFENÂ, FRANCHE-CONTÂT, BRÊSSE, DOMBA, LIYONNÊS, FORÊZ, BIOJOLÊS, VÂL D'AOÛTA, PIEMONT, FRANCHE-CONTÂT.

 

 

07/03/2013

L'tin de Dejô 07 mâ a delon 11 mâ 2013

L'tin shi no:

GENEVA, NÔCHÂTEL, FRIBÔRG,VÔD,VALÈS, SAVOUÈ, BUGÈ, DÔFENÂ, FRANCHE-CONTÂT, BRÊSSE, DOMBA, LIYONNÊS, FORÊZ, BIOJOLÊS, VÂL D'AOÛTA, PIEMONT, FRANCHE-CONTÂT.

 

Dejô 07 (choua, cha) mâ 2013 :

Oun'a krouye tin (crouyô teimps), preu niolu avoué kake karâ de plojhe possibl(y)o. Din l'val d'Aoutâ lè niole pèssant tojhère. Su lo tâ, in valèse é savoué, l'tin va s'abadâ avoué kake kâra de soleu.

Devendro 08 (ouè) mâ :
A l'ârba ,kake kâra de soleu in valèse. Mâ d'in lé aleintô (alentour) l'tin sara niolu avoué dè coup (quelquefois) de la plojhe. Din
l'val d'Aoutâ ye plovra pou souvein (rarement).

Dé dessando 09 (nou) mâ a delon 11 (onj) mâ 2013: proa (preu) de niole é on pou de soleu, avoué kake câra dé plojhe. Demeindze din l'val d'Aoutâ l'è possibl(y)o ké l'tin sara chè (sè=sec).

 

Un peu de vocabulaire:
Plojhe (Savoie) = Plyodze (Vd)

L'aube =l'ârba (savoie), l'èrba eu jhère (Bellevaux).
De bonne heure = à boun'hâora (vd)
Le temps s'éclaircit:
L'tin s'abadâ (se lève) (savoie)
L'tin s'éklyape (s'éclaircit)
(savoie)
L'tin s'lèva
Le soleil brille en cachette : Lo sèlâo (eu) brelye ein catsetta (vd)
Une percée de soleil: onna percllioûssa de sèlâo (vd) . Cllioû=chliou
Une éclaircie: na Kâra de fèleu (une averse de soleil). onna kâra de soleu. ona arari (saxel), ouna eklyapâ (albanais), ouna byan-na (morzine), ouna Bèlanna (sixt)

 

IMPORTANT: Ce bulletin Météo n'a pour objet que d'enseigner le patois et non pas de renseigner avec fiabilité sur les conditions du temps en cours ou à venir

Liens météo en français:

Prévision MétéoSuisse.
Prévision MétéoChamonix.org
Météo Aoste

09:34 Publié dans Air du temps | Tags : genève | Lien permanent | Commentaires (2)