05/02/2016

Du vènss (foehn) por lo carnavâ èn Oleïnna (Evolène), pouès de la nê chu nouthro son-chèrra

Bonzhô a totâ et tuî,

L'oura d'Atlanticâ va nos bayér oun tèmps més/mî frê(k) depouès la demènze. Dè(v)ant, la zornivâ de dessendô (6 de févrî) y farêt oncorâ prô tssô/tssâ por ceta chaijon, porcèn que lo vènss/foehn va chofflâ, surtôt chu lo Vâlè(k). Adon y sarêt unâ zinta zornivâ chouk èn Oleïnna por lo carnavâ.
Por la demènze lo tèmps sarêt prôd ennublô avouè d'a plodze bas a plan-na. Chu nouthro sondzon/son-chèrra (sommets) y va nêver d'amount 1500 pouès 1000 mètro.
Por la sennana que vint on va vouardâ oun crouè tèmps, mas y sarêt unâ bonâ tsoujâ por los station de ski, porké y va bayer oun mouè/mache nê(k)/nâ d'amount nouthra mountagne.

arevêre a tuî et tant qu'a la premîr

 


Por acutâ /ahuktâ:


podcast

patois, lionel fontannaz, arpitan, francoprovençal

blog_prepa_2.png

 

 

30/01/2016

Y va royâ ceta demènze

Adon ceta demènze y va bayér oun mouè/mache de plodze. Y va asse-bèn royâ franc hiôt chu los son-cherra/sondzon.
L'oura sarêt franc fôrt, unâ veré tormèntâ.

http://www.meteosuisse.admin.ch/…/abondantes-precipitatio...

vos povês tôt-parî aguètâ/avouètchiér la cartâ/mappâ de dangiérs du tèmps.
http://www.meteosuisse.admin.ch/home.html?tab=alarm

et asse-bèn des lavènste/laveïntsu.
http://www.slf.ch/avalanche/bulletin/fr/gk_c_fr_complete....

Bona fin de senanna/chenanna a tuî !

21/01/2016

Pas més de craminâ, dé-adon y farêt més douss

Bonzhô a tuî et a totâ,

Depouès demècro, lo 13 de dzanvî tant qu’au delon lo 18 de dzanvî nos z-èns yu unâ veré craminâ [grand froid].
A l’arbâ delon lo 18 dzanvî, la tempèraturâ dèns la combâ d’a Brèvine èro quasu utôr de -30°, pèr Oleïnna -15° et bas a planna y fajivent èntrô -4 et -13°. Tôt-parî y’a bayé , comènt publiâ [annoncé], pourâmènt [beaucoup] de nê en-chièz nô, surtôt oun mache/mouè de nê chu los son-cherra/sondzon de Vôd, Fribouâ, Bas-Valêk et lo payis de Savouè et mimamènt de groussâ lavènste/laveïnstu [avalanche].
Ora, la tempèrature a dza prô crèchu [augmenté] et unâ hiotâ prèchon va bayér [donner] dou zhôr de solè èn mountagne et de niolâ bassâ bas a planna (21 et 22 de dzanvî).
Devèndro a né/nêtte et dessèndo dèns la matenâ, y’arêt oun crouè/crouyô tèmps [mauvais temps] , ennublô avouè d’a plodze et d’a nê d’amount 1500m.
Dessèndo  aprî-midzô lo solè u des rayâ de solè tornerènt en-chièz nôs.

Por la demènze, lo payis francoprovençal sarêt éfè (pot-éthre) copâ èn dou bocon [morceau/bout]. U nôrd prô ennublô [nuageux] atòs quâque gottâ de plodze et u midzô (sud) prô chè avouè des rayâ de solè.
Delon (25 dzanvî) et demâr (26), unâ hiotâ prèchon porrêt nos bayér du solè et des niolâ bassâ bas a planna.

arevêre te tant qu'a la premîr .

Por acutâ /ahuktâ:


podcast

slf.arp.png

 

eps_arpitan.png

10/01/2016

Oun crouè tèmps avouè d'a plodze, oun mache de nê et des côp unâ tormèntâ

Bonzhô a tuî et totâ,

Lo tèmps du mê de Dzanvî l'éro (l'a) franc tsanzî comènt nos z-èns publiâ. Aprî oun mê de décembrô troua chè, depouès l'èntran de ceti novèl an nos z-èn yu oun tèmps prô ènnublô et qu'a bayer bèn de plodze et d'la nê chu lou sondzon de nouthro mountagne/son-chèrra [sommets].
L'oura qu'y choffle d'Atlanticâ tant qu'u payis francoprovençal va adé portâ oun mache/mouè de niolâ/nioulâ , de plodze et asse-bèn de nê d'amount lou mountagne quasu tant qu'a la fin de senanna/chenanna (12.01 tant qu'au dessèndo lo 16.01). Y farêt més/mî frê(k) adon y va nevêr quasu bas a planna (700-800m) . D'amount les mountagne y va couchiér [neiger fortement], adon y'arêt pertôt oun mache de nê.

L'oura a dzâ pouramènt chofflâ los zhôr passâ. Mas ceta senanna, surtôt delon et demârs que vint y farêt éfè [peut-être] unâ tôrmèntâ chu lo payis arpitan. Y va tempêtâ/ténèvrâ chouk a mountagne mas tôt-parî bas a planna..
Por cèn qu'y va bayér oun mache de nê et tôt-parî de l'oura, lo risko de lavèntse (avalanche) va adé crêtre pertôt.
Vos bayô lo conseil de rguètâ/avouétchiè la padzô de MétéoSuissâ por savêr yô/avoue , quand, et quinta forçâ sarêt ceta tempêtha.

 

Acutâde/ahuktâde lo textô
podcast

 

blog_prepa.png

 

blog_prepa.png

30/12/2015

Boun an 2016 ! A l'èntran de dzanvî y va bayér de nê chu nouthro son-cherra.

Bonzhô a totâ et a tuî,

Lo mê de décembrô 2015 èro bra(v)âmènt deforâ d'a normâ. D'amount lo son-cherra (sommet), la températurâ a étô des viadzô 6 degrés de pllès que de couthumâ.(lyère lo texto de MétéoSuissô , bilan de décembre 2015 : un mois record).


Ceti côp los tsenevu (los broyâ) du platè et ceti tèmps de solè sarêt franc fornî.

L’oura d’Atlanticâ va nos bayér oun crouè tèmps quasu tant qu’au 7 (cha) du mê de dzanvî.
Aprî oun tèmps ennublô por lo darî zhôr de dècembrô, devèndrô lo premî zhôr de l’an 2016 sarêt prod chè avouè des rayâ de solè.
Dessendô/duchandô lo 02 (dou) de dzanvî (janvier) y va couchiér (neiger fort) 15 tant qu’a 30 centimètro de nê d’amount 1200-1400 mètro. Demènze/dumeïnzu y’arêt unâ pausâ, oun relârzo (répit), avouè quâque rayâ de solè.

Delon lo 3 (trê) de dzanvî, oncora oun viazô y porrêt nevê (nêvre, neizî) 15 tant qu’a 30 centimètro de nê et ceti côp dejôt/desô 1000 mètro.
Lo carô yô/avouî qu'y bayerêt lo mês de nê sarrêt éfè/pot-èthre los pourtâ du solè. 

Lo tèmps va adon tsangiér prod sovènt tant qu’u 7 (cha) u 9 (nou) du mê de dzanvî.
Dé adon, los modèlô montront oun mache/mouè de soluchon avouè unâ hiotâ prèchon  quasu du 10 (djiè, jyeu) de dzanvî tant qu’a la darî senanna de dzanvî.

 

Arevêre et boun an 2016 a tuî et voutron famelye !

 

 

Acutâde lo texto
podcast

blog_prepa.png

 

una_tourminta.png

 

Récréacion: un countâ por les bouèbo / meïnouch / mégnâ (enfant)


Por vêre la vidéo més groussâ (plus grande)