26/06/2016

Y'a fotâ de profitâ du tèmps prô chè por séyer lo fèn !

Bonzhô a tuî et totâ,

Adon y va balyér comènt (min) publiâ quâque brâva zornivâ de solè, delon, demâr (dulon, dumâ) et tôt-parî demècrô. Ceti tèmps (tin) sarêt franc estrâ por sèyer lo fèn .
Mas demècrô aprî-denâ lou niolâ vont crêtre chu lo sondzon/son-chèrrâ , de groû meuton qui balyerènt quâques rinchâye (câra de plodze) et asse-bèn quâque oradzô. Celos-tye (slo-tye) pôrrènt modâ des mountagne bas a planna.
Dièns la né(tte) de demècrô/dumècro tant qu'a dejô/dezou y va rolyâ quasu pertôt. Demècrô lo cièlo sarêt adé prô ènnubla, mas y pôrrêt s'achutâ dièns la véprenâ (aprî-midzô). La premîr zornivâ du mê(k) de juiyètt , lo devèndrô, sarêt zintâ et més tsâda .
A fin de la chenanna que vugne, dessèndo et la demènze três de juiyètt y'arêt prô de solè, mas
èntro lou dou, y'arêt oun viadzô des niolâ qui balyerènt quâque plodze .

Arevêre a tuî et totâ et tant qu'a la premîr .

 

Cliquâ inque por acutâ/ahuktâ
podcast

 

 

blog_prepa_1.png

blog_prepa_2.png

 

 

15/06/2016

Plodze, plodze , plodze ...mas de delon a demârs unâ mita/tchikèta de solè

 Bonzhô a tuî et a totâ,

Quinta beurtâ/crouè météo depouès l'èntran du mê(k) de mâye tant qu'a ceti métèn/mèktèn du mê de jouèn . Prô de niolâ, oun mache/mouè de plodze et des tèmpératurâ més/mî frêdâ que de couthumâ .
Por lo zhôr/zhôss que veugnont/vugnont y'arêt adés/adî oun mache/mouè de niolâ et des viadzô y bayerê d'a plodze.
Entrô demècrô a né(tte) et dejôt/dezôt a né(tte) y va roillâ/kuvâ (baylér de groussâ plodze) chu lo Alps d'a Savouè et asse-bèn u Valê (dedèns-vê=sur le versant au sud des Alpes ) et a la Val d'Outâ .
De devèndrô/duvèndro tantqu'a delon/dulon lo tèmps va prô tsangiâ, la cièlô sarêt tôt mècllâ de niolâ, donkédonk (temps en temps) de rayâ de solè et de câre de plodze/rinchâye [averses] et decé-delé d'oradzô. Y farêt tozhô/tolon pas tssô/tsâss avouè 18 tant qu'a 20 degrès aprî-midzô.

De delon tantqu'a demècrô , nos pô(v)èns espèrâ avêr oun tèmps prô chè avouè prô de solè.


Arevêre a tuî et totâ

 

blog_prepa_3.png

 

blog_prepa_2.png

 

 

27/05/2016

Prô de niolâ de plodze por la demènze et lo delon

Bonzhô a totâ et a tuî,

Lo tèmps (tin) de ceti (sti) mê(k) de maye a prô tsangiâ tant qu'a ora. Oun coup l'éro franc tssô/tssâs, oun coup trouâ frê(k), comènt ceti delon/dulon qu'y a bayé d'a nê(k) tantqu'a 1500 mètro. A cha-pou la tempèraturâ a crèchu ceta senanna et des viadzô/yadzô nos z-èn yu oun bocon/tchikètâ de solè.

Por los zhôr/zhôss que vugnont, lo tèmps sarêt més ènnuble, depouès la demènze/dumeïnzu nos arènt oun crouè tèmps qu'y bayerêt d'a plodze. La demènze et lo delon y va des viadzô roilla oun mouè (y va kuvâ) atòs decé-delè de l'oradzô.
Demârs / dumâ y'arêt adés oun mache de niolâ et quâque rinchaye. En-aprî los niolâ et les los rayâ de solè sarènt mècllâ/mèhlâ et lo riskô de rinchaye porrêt dècrêtre unâ mitâ.

Arvêre a totâ et à tuî, tant qu'a la premîr

 

Clicâ inque por acutâ/ahuktâ
podcast

 

blog_prepa.png

 

13/05/2016

De dessèndo aprî-midzô tant qu'a demârs prô de solè bas a planna- prôd frê(k) por la pèntacutâ

Bonzhô a totâ et tuî,

Bonâ novèlâ, lo tèmps sarêt oun bocon/tchikètà myô(ss) depouè dessèndo aprî-midzô avouè prôd/pròouk de solè bas a planna. D'amount lou mountagnî y'arêt adés prô de niolâ/nioule et donqué-donque quâque petîotâ rinchâye sarènt possiblyô dessendò/duchandô.
Ceti tèmps sarêt  prô frê(k) por lo métèn/mèktèn de maye tant qu'a demârs/dumâr. Delon/dulon a l'arbâ y porrêt dzalâ bas a planna, surtôt dèns la combâ du Rhonô.
Depouès demècro/dumècro y va se retsodâ a cha-pou et aprî-denâ y farêt quasu 20° pertôt.

adon, bounâ féthâ de pèntacutâ a tui et totâ !

 

Acutâ/Ahuktâ lo texto


podcast

2016-05-13_17-40-00.jpg

 

2016-05-13_17-34-03.jpg

 

lo_petiot_prince.jpg

Lo petioût prin-ce èn francoprovençal

La versione francoprovenzale de “Il piccolo principe” al Salone del Libro di Torino

La vershon francoprovensala de “Lo prinselhon” o Salon do Lêvro de Turin

 

 

29/04/2016

De dèssendô a la demènze y va bayé 20-40 cm de nê d'amount 1500m. La sennana que vint prô de solé !

Bonzhô a tuî et totâ,

Lo zhôr(ss) passâ nos z-èns yu oun mache /mouè de dzalaye/zalayu qu’ènt bourlâ la vegne et lo abricô/lo armagne bas a planna. Dièns la né(tte) de devèndrô a dessendô y’arêt oncorâ des dzalaye quasi pertôt bas a planna. Dessendô  dièns la matenâ y’arêt oncorâ prô de solè, mas a cha-pou lo cièlo va s’ennublâ. Lo premîr câre de plodze/rinchâ sarènt possiblyô decé-delé aprî-denâ.  De vè-lo-tâ(rd) / a fin de zornivâ y va bayér de plodze quasu pertôt.

Dièns la né de dessendô tant qu’a la demènze y va franc roillâ, de groussâ kuvayu vont bayér 20 tant qu’a 30 mm de plodze. Oun côp de tonnerrô sarêt possiblyô. Y va tôt-parî bayér de nê(k)/nâ tant qu’a 1500 mètro et des viadzô tant qu’a 1000 mètro. Demènze dièns la matenâ l’est prô possiblyô qu’y arêt unâ blèthâ/unâ ceuche de nê de 20 tant qu’a 40 centimètro d’amount 1500m. Demènze la bisa nêra va chofflâ et aprî-denâ  lo tèmps  porrêt s’achutâ.  

Por la senanna que vint de delon lo 02 de may tant qu’a la demènze lo 07 (chat) du mè(k) de may, y’arêt prô de solé et lo températurâ vont crêtre. Mas demârs lo 03 de may, y’arêt prô de niolâ et éfè quâque gotâ chu lo nord du payis arpitan.

 

Arevêre a tuî et totâ et tant qu'a la premîr

 

Acutâ/Ahuktâ lo textô:

podcast

_dsc_7834_galeriebig.jpg

 

13083309_1762184987348066_2703307421569476349_n.jpg
Féthâ du patouè u mê de settembrô !