24/12/2016

2016 més tssô/tssâ que de couthumâ ... et tozhô pas de nê(k) por les zhôr que vugnont

Bonzô a tuî et totâ !

Lo tèmps de l’an passâ :

L’an 2016 éro [îro] 0.6° tant qu’a 0.7 degré de-ple que de couthumâ (norme 1980-2010). Cet'annaye éro unâ des més tssâde des djiè-j-annaye les més tssâde depouès l’èntrant des observachon èn 1864.
 
A l’èntrant de 2016 nos z-èns yu des températurâ d’huvê(t) pré desla-tye [steu chilya, rla-tye] qu’éront des « records ».

Dedèns-vè [u Nord des Alpes] por les 6 [chi] premî mê(k) de l’an , nos z-ènt yu oun mache de plodze [plòouzu], l’éront tôt-parî les més blyè [mî ènkuvâdepouès l’èntran des observachon èn 1864. Lo tssô-tèmps [tssâ-teïn] est arvâ tôt plyan u mè(k) de julyèt, et l’est pyè [solamèn ; lamèn] u mè(k) de sèttembrô qu’ul a fé més tsâss que de couthumâ. A la fin de ceti an, por cèn que nos z-èns yu unâ hiotâ-prèchon por grant-tèmps, a fin du mê(k) de décèmbro y manquâve de nê(k). L’est dommadzô, porqué u mê(k) de novèmbro y’avêt bayé prô [pròouk] de nê(k), mas lo vènss [mèdze-nê, foehn] et pouès lo solè z-èns tôt terrènâ [faire fondre et faire apparaître la terre] (por vêre lo texto de MétéoSuisse)

 

Por los zhôr que vugnont ?:

De tsalèndâ (Noël) dessendô 24, tant qu’a delon lo 26 de décembrô lo cièlo va des viadzô s’ennublâ et balyér donkè-donke [des viadzo] quâque gottâ de ploze. Mas de demâ(r) tant qu’u darî zhôr de l’an y’arêt des broyâ [tsenevu] chu lo platè et du solè [soleu, cholâ] d’atrô part.

 

Arevêre , bélâ féthâ de tsalènda et boun-an !

 

Clicâ inque por acutâ (ahuktâ):


podcast


 

 

23122016.PNG

 

Voeux_patois_2017.png

07/12/2016

Adés des broyâ [tsenevu] bas a planna et du solè chu los son-chèrra et u Vâlè(k)

 

 Bonzhô a tuî et a totâ los ami du patouè !

Y'è z-u prô d'uvrâ [de travô] d'ottobro tant qu'a ora, adon y'è pas possu mèthre [bettâ] tsaque senanna la météo en patouè ..mas dz'è [y'è] pas oublâ ...adon la météo en patouè va tornâ chu FB !

Y'a dzâ prô [proòuk] de zhôr que nos z-èns yu ceti tèmps chè [sèc] atòs [avouè] oun mache de solè chu les son-chèrra [sondzon] et tôt-parî dièns lo vâlè(k) et asse-bèn a la Val d'Outâ, et asse-bèn oun mache de broyâ [nyôlan, tsenevu] chu lo platè Suisso.
Adon, ceti tèmps va continuâ dinse [acheïn] tant qu'a dessendô [duchàndo].
De la demènze [dumeïnzu] tant qu'a delon [dulòun] lo cièlo [chièlo] sarêt prò ennublâ de Nòchâtè (Ne) tant qu'a Gzenèvâ (Ge)et y porrêt balyé quâque gottâ de plodze [plòouzu]. U Vâlèk et a la Val dÔutâ lo tèmps sarêt sovent prò kyâ [cllâ =clair, serein].
Demârs [dumâ] et demècro [dumècrô], lo broyâ [nyôlan, tsenevu] vont torna chu lo platè d'a Suissâ et lo solè tôt-parî d'amoun lo sondzon, u vâlek et u Val d'Outâ.
Ora l'est troua tô por dere quinta météo y'arêt por tsanladâ [Noël]...

Arevêre a tuî et totâ ! Et tant qu'a la premîr

Clicâ inque por acutâ / ahuktâ


podcast

 

blog_prepa_2.png

blog_prepa_1.png