28/10/2016

Ottôbrô més frê(k) que de couthumâ - por los zhôr que vugnont du solè et des niolâ bassâ

 Bonzhô a tuî et totâ

Ceti mê(k) d'ôttobrô éro més [mî] frê(k) que de couthumâ. Adon comènt lo mê(k) de sèttembrô éro més tssô [tssâ] que de couthumâ , ceti mê(k) d'ôttobrô nos a bettâ [mèthu(k)] drê(k) u métèn [mèkten] de l'ôton [l'an-darî].

Nos z-èns yu des coup d'a bisa et tôt-parî prô de nê chu lo sondzon [son-chèrra] des viadzô bas tantqu'a 1000 mètro .

Dièns ceti tèmps -tye, bas planna y'a balyé oun mache de dzelâye.

U mèten du mê(k) d'ottobrô l'oura du midzô et lo vènss (medze-nê ; foehn) a fé crêtre unâ mitâ (oun tchikèta, un bocon) los tempèraturâ. Demâr lo 25 l'oura du midzô [vent du midi] a balyé oun mache de plodze. Y'a surtôt roillâ de Dzenèva tant qu'a Vevey.

 

Ora et tant qu'a demècrô [dumècro] , nos sènt u mèten d'unâ hiotâ prèssion [prèchon], adon y'arêt oun mache de solè u Vâlè, u Val d'Outâ, et lo matèn des niolâ bassâ (stratus) chu lo platè suissô.

Dejô [dezou] lo tèmps pôrrêt s'ènnublâ et balyé quâque plodze.

 

Arevêr et tant qu'a oun atrô viadzô [yadze]

 

Clic inque por acutâ [ahuktâ]

podcast

 

blog_prepa_1.png

 

blog_prepa_2.png

 

12/10/2016

Sorpisâ "une Pub en patois " - Dejô et devèndro du vènss (foehn) et d'a plodze. La demènze du solè.


Bonzhô a tuî,

 

Aprî quasu unâ senanna de bisâ, l'oura va sofflâ depouè lo midzhô. Dejô [dezou] ceti oura du midzhô (sud) va portâ des niolâ et d'a plodze chu la payi francoprovençal. U Vâlès lo vènss (foehn) va sofflâ, adon dièns ceti carô y bayerêt « drèk de nom » [pas tant] de plodze. Devèndrô lo tèmps sarêt adés ennublâ dèns la matenâ avouè oncora quâque rinchaye du jura u platè,mas de l’âtro-la de l’Alpes, chu la Val d’Outâ et lo col du simplon y va franc rolliâ .Unâ veré kuvayu. Dessendo y’arêt tozhô prô de niola et des câre de plodze. La demènze los solè va tornâ u payi, mas bas  planna y’arêt asse-bèn des tsevenu [broyâ]. Por l’èntran de la senanna que vint , y’arêt prô sovènt de niolâ et oun risko de plodze.

 

Arevêre a tuî et totâ et tant qu’a la premîr

 

Por acutâ [ahuktâ] clicâ inque:

podcast

 

« drèk de nom » [très peu , Evolène]

blog_prepa.png

radio_arp.png

Pa oublâ d'acutâ Radio Arpitania : clicâ inque !

 

Unâ rèclamâ en arpitan du vâlès !
T'es bravo lo Julien Besse !!

 

01/10/2016

Sèttembro 2016 èro franc chôd [tssô, tsâss].

 

Bonzhô a tuî,

Ceti mê(k) de sèttembro 2016 sarêt brâvamènt lo mê(k) de sèttembro lo més chôd [tssô, tsâss] u levant et u midjorn [midzhô] d'a Suissa. U Tessin, a tempèraturâ sarêt quasu 2.7° tant qu'a 3 degré de plle qu'la normâ 1981-2010 [meulle-nou-sin-houitante-yon / dou-meulle-djieu].
Bas pèr Genèvâ [Dzenèvâ], nos z-èns yu 2.6 degrés de plle, adon ceti viadzô nos arêns manquâ lo record de sèttembro 1949 [meule-nou-sin-carante-nou] (+2.7°). Bas a Sion [Choun], ceti mê(k) de sèttembro éro mé/mî tsâss que celi de 2006, avouè +3.3° de plle ceti coûp contrô 2.7 èn 2006 [dou-meule-chi].
Por totâ la Suissâ, ceti mê(k) de sèttembro sarêt lo trèjièmo sèttembro lo mé tssô depouès l'entran des observachon èn l'an 1864 [meule-houit-sin-choichante-catrô].

Por lo zhôr que vugnont :
Devèndro y'arêt adés du solè pertôt.
Dessèndo : lo tèmps [tin] va s'ennublô a cha-pou et y balyerêt d'a plodze lo matèn u levant de la Suissa, pouès tôt-parî d'a Savouè u Vâlès et asse-bèn a la Val d'Outâ
Demènze : lo plodze et los niolâ vont s'enmodâ, adon l'aprî-midzhô y'arêt de galè/bravâ/zint rayâ de solè.

Depouès delon et quasu tant qu'a la fin de senanna que vint, y farêt biô avouè quâque niolan [broyâ, tesnevu] chu lo platè.

Arevêre , et tant qu'a la premîr

source

sat_today_visible.jpg