26/02/2015

*Iphone , oun novè(l) diccionèro èn patouè de Nendaz * Dessendo unâ bravâ/dzinta zornivâ, mas sovènt oun crouë tèmps les âtro zhô(ss).

Bonzhô a tuî et totâ,

Aprî ceta jornivâ de dejô (26 de févrî) que nos a bayé bèn de solè, l'oura qué va sofflâ/chofflâ d'Atlantica va peussâ/pouksâ oun machò/mouè de niolâ. Lù tèmps (teïn) sarêt/charêt prod/pròouk ènnublo.

Devèndro/duveïndro* lé niolâ/lé nyòoule*  bayerènt de nê(k) bas tant qu'a 400-600 mètro.

Dessendo/duchàndo, sarêt unâ bravâ/zintâ jornivâ, maagré quâques nyòoule* a l'arbâ, y'arêt bèn de solè.

De demènze tantqu'a demècro (dumeïnzu..demèkro*) y sarêt oun crouë teïn (kofo tèmps**).

L'oura sarêt prod/proòuk fô(rt) d'amôunt/d'amòoun* 2000 mètro. Des vyâzo/viajô y va tèmpétâ atòs des côps 100 tant qu'a 120 kilomètro/horà.

Atòs l'oura prod dôuss* d'Atlantica, y bayerêt de nêk des vyâzô d'amôunt 1600 mètro, pouès y nêverêt des côp bas tant qu'a 1000 mètro.

Depouès demècrô lù 4 (catro) du mé(k) de mâ/mè*, les flòoutso/flyokon** tomberènt quasu bas a planna.

A'revêre a tuî et totâ

 

Acutâde lo texto (Ecoutez le texte)


podcast

*: Evolène **: Savoie

notes:
Mars : mâ(rs) Savouè, mè (Vs, Evolène)
Mai : mé (savouè), Mâye (Vs, Evolène)

graphe_base_ens_arpitan.png

 

 

lionel fontannaz, francoprovençal, patois, arpitan, météo en patois

 

Rècréacion:
oun novèl diccionèro de patouè de Nendaz por l'Iphone.

dictionnaire patois, iphone, nendaz, francoprovençal, valais
Possiblyô de tcherkà des môss

dictionnaire patois, iphone, nendaz, francoprovençal, valais

Possiblyò acutâ/ahouktâ (aroukta) lù  moundo devujâ/predgiér èn patouè



20/02/2015

Y va bayér de nê(k) dessèndo, d'a bisâ demènze, de plodze delon, pouès franc frê(k)

 Bondzô a tuî et tôta ,

Ceta senanna/chenanna ère biô comènt la senanna pachâ et tôt-parî comènt la senanna  pachâ lù crouë tèmps va arvâ lu dessèndo (ducheïndo).

Dessendo , les niolâ vont bayér bèn de nê(k) , et des yadzô bâs tant qu'à planna. A l'ârba lù vènss/fôhn va oncora sofflâ/chofflâ dèns l'Alpes, adon y bayerêt de nê(k) u Vâlès centralo u vêpro u a nuèt/nêtte.

U val d'Aouta y nêvrâ prod fô(rt)! 

 

Demènze/dumeïchu (dimanche), la bisâ va s'abadâ chû lo platè Suisso, adon y'arêt quâques rayâ de solè , mas y farêt quasu unâ crâmina chouk â mountagne (-8° utôr de 2000m).

Delon/dulon (Lundi), sarêt unâ jornivâ (zornivâ) prod ènnublô que bayerêt de plodze /plóouzu quasu d'amôunt 1200-1400m. Dèns lo Vâlês centralo, lo vènss va sofflâ/choflâ dèns la matenâ, adon y'arêt oncora quâque raya de solè dévant midzhô. Aprîs-denâ, lo crouë/crouyô tèmps va tôt-parî arvâ tant qu'u Vâlès.

Demâr/dumâ (mardi) et demècro, y farêt bèn frêk et lù tèmps prod/próouk ènstablo bayerêt quâques raya de solè et des viajô/yadzô Quâques câra de nê(k) tant qu'a planna.

 

Acutâde lo texto (Ecoutez le texte)


podcast

image.jpg

image.jpg

 

12/02/2015

Déssendo et demènze y va bayé du vènss (fôhn) et de nê(k) d'amôunt 800m..et unâ vidèo chu lo carnavâ d'Oleïnna (carnaval d'Evolène)

 

Bonzhô a tuî et totâ,

 

Aprîs unâ senanna/chenanna de biô, la prèchon va dècrêtre et des niolâ vont arvâ depouès l'Etalî/l'italie.


Dessendo et demènze lù vènss/fôhn va sofflâ/chofflâ dèns l'Alpes, adon y pôrrêt oncora bayé quâques raya de solè u Vâlès centralo.
Dèns les âtres carrô du payis francoprovençal lo cièlo sarêt prod/pròouk ènnublo et y bayerêt de plodze bas a planna et de nê(k) d'amoûnt 800-900 mètro. Mas atòs lù vènss y porrêt tôt-parî bayé de nê(k) chu les crêta des alpes du Vâlès (Simplon) et les veladzô que sènt de l'âtre flanc, comènt lù veladzò d'Arolla, la Forclaz u la sâze (la Sage) dèns lo payis d'Oleïnna (Evolène).
Dessendo et demènze (duchàndo et dumeïnzu*) a la Val d'Aoûta y va prod/pròouk* nêvé  quasu bas a planna, tant qu'a 600mètro.

A'revêre a tuî et totâ

*a la modâ d'Oleïnna (Evolène)

graphe_base_ens_arpitan.png

 

graphe_base_ens_arpitan.png

 

Derrière les masques du carnaval d'Evolène


 

05/02/2015

Unâ tormèntâ de bisâ et unâ craminâ tant qu'a fin de senanna.

Bonzhô a tuî et totâ,

La bisâ va sofflâ/chofflâ pèr a côp chu la platè Suisso .. unâ bisâ nèrâ (bise noire) que va nos bayér unâ veritablyô craminâ (grand froid).
Des côp la bisâ chu lo léman va sofflâ tant qu'a de 70-90 km/h.
Ceta bisa tôt-parî va bayér bèn de niolâ bassâ (stratus) que sârènt des viajô/yadzô bèn dru. Mas chouk a mountagne (d'amoûnt) y'arêt bèn de solè. De coutâ la val d'Aoûta, l'oura va sofflâ du lèvant (de l'Est), adonc lo cièlo sarêt prod ennublô (nuageux) et des côp y bayerêt bèn de nê(k).
Demènze lo 8 de févrî  et delon lo 9 de févrî, l'oura (le vent) du nô(rd) sarêt tôt-parî unâ tormènta d'amoûnt a mountagne atòs des côp 100 tant qu'à 130 km/h u-tôr de 3000m.

Bas a planna l'est bèn possiblyô que la bisâ pouèsse sofflâ tant qu'u métèn dela senanna que vint.

A'revêre a tuî et totâ


Acutâde lo texto (Ecoutez le texte)

podcast

lionel fontannaz, bisa nêra, bisâ nèrâ, bisâ nêra, bise noire, patois

Bisa nêra pèr Dzenèva 05 fèvrî 2015

lionel fontannaz, bisa nêra, bisâ nèrâ, bisâ nêra, bise noire, patois


 

lionel fontannaz, patois, francoprovençal, arpitan

lionel fontannaz, patois, francoprovençal, arpitan