21/03/2014

Dessendo et demènge oun crouyô temps avouèc de la nê que va allâ d'avâ 1000m

Bonzho a totâ et tuî,

Nos arêns oncorâ quâques jornîva (zornivâ) avouè du solet/chowè et des tempèraturâ de fôr-temps/fourî [printemps] avouèc més de 20 dègrès.
Oun bravâ temps (tin) avouèc de l'ê [l'air] franc nèt/pôpro [propre], por cen que depouès le 16 de mâ(rs) l'oura a ècovâ la peufâ/puça PM10 [poussière]. Adonc ora, nos pôvens sofflyâ(r) sen dangièr.

Hormis quârque niole èntre demârs nuèt et demècrô matenâ, y'arât brâvament du solet/chowè tant qu'a devendro.

Mas, èn fin de senan-na (chenan-na), le temps (tin) sarât en-neblô. Oun crouyô temps dessendo et demènge, yô que va plôvre/plôve. Y nêvra asse-ben dessendo u-tôr de 1400 mètro (mèl-catrô-chin) et demènge quasu bas à plan-na , u-tor de 700-800 mètro (cha-chin, oui-chin) . Demènge aprî-mijôr (aprî-midzhô) èn Vâlès et tot-parièr u Val d'Aoûta les nioles vont pôver s'uvrîr/se dèfremâr avouèc quâques rèryâ de solet/chowè.


Acutâde le texto (écoutez le texte)
podcast

 

jourpm10v.png

Obsèrvacion (-chon) de peufâ/puça près Genèva (Dzenèva)

 

 

lionel fontannaz, arpitan, francoprovençal, patois, alpes, léman

Delon 17 de mâ(rs) a l'arbâ .

 

lionel fontannaz, arpitan, francoprovençal, patois, plateau suisse

Dèns la pay-is de Bârne (Berne) , dé coutâ Schwarzenburg

lionel fontannaz, arpitan, francoprovençal, patois, plateau suisse

Schwarzenburg (Be) 17.03.2014

 

Le temps de ceti hivêr:


podcast

L'hivêr 2013-2014 (dou-mile-trèje/dou-mile-catorje) [mile=meùle] at ètâ le trêsiémo hivêr le més chôd (tssôd) depouès l'èntran des obsèrvacions y'a 150 an (chen-chin-quante), por cen que l'oura a surtôt sofflâ depouès le mijôrn (midzhô) èn balyèn de l'ê prod dôx et franc molyèn. L'est cèn qu'a communicâ MètèoSuisso dessus sa pajô internet..
http://www.slf.ch/avalanche/img/hsrel_fr_c.gif

Por cen que le fôhn (le mèdgie-nê) a sôfflâ ben des côps, ceti hivêr l'est le més chôd dèns les combâ a fôhn de la Suisso Alemanda depouès les premîrs mesura qu'ont ètâ fête per lé.
Dé coutâ du canton (tyanton) du Jura (Dzura), bas a plan-na decé-delé y pas yu yonâ jornîve avouèc la tempèratura maximum desôt zèro dègré, adonc pas d'aprî-midzho avouè des gelâ (Dzelâ).
Le dârî côp que nos ens yu unâ situacion dinse, l'ère pèndant l'hivêr 1876-1877 (dijouichin-sètante-chi et dijouichin-sètante-châ).

De l'âtre fllan de l'Apes, du Val d'Aoûta tant qu'au Tessin (-chin) l'est tombâ bravâment de ploge (pliodze) bas a plan-na, mas surtôt brâvament de nê dèns les mountagnes. Mas,tot-pariér y'a nêvu prod de viajô/yadzhô bas a plan-na.
U Tessin, l'est le premîr viâjô/yadzhô qu'y l'est tombâ atant de ploge (-zhe) et de nê.. MètèoSuisso pèrs Lugano a mesurâ 689 millimètro (chi-chèn-ouitante-nou millimètro) de dècembro tant qu'a fin de fèvrî.. adonc l'est més de 160 (chin-chouèchante millimètro) que le darî recordô de l'hivêr 1950-1951 (milenouchin-chinquante- milenouchin-chinquante-et-yon).
Dèns les mountagnes y'a nêvu brâvament, dèns le pay-is d'Engadine y'a nêvu quasu 4 (catro) mètro de nê èntre dècembro et fèvrî.. Achëin, l'est le doujièmo hivêr avouèc atant de nê depouè 150 an u midzho de l'Alpes. Dèns la Vâlès (wayè) et le Châblès, y'a assen-ben yu brâvament de nê..

http://www.slf.ch/avalanche/img/hsrel_fr_c.gif

Avouèc ceti temps (tin) dôx, les pollèns de alôgnî/alâgnér/côdra (noisetier) et tot-pariér de vèrgna (aulne) sant arevâ èn avance . Les pollèns d'alôgnî z-èrant quasu 10 (diéx/diéj) jornîve èn avance et les pollèns de vèrgna quasu douve senan-na (chenan-na).
Adonc ceti hivêr l'ère prod drôla, franc dôx et molyèn, mas avouèc ben de nê dèns los z-Alpes du pay-is Arpitan .

Sôrsa : MètèoSuisso et SLF

hsrel_fr_c.gif

Les commentaires sont fermés.