10/05/2013

Oun crouyo tin ! dé cou d'la plozhe, mé frâ avouè d'la naî d'amo 1000m. Demâr ouna bèla jôrna


podcast
Bonzhor à tô, Bonzheur à tuê,

Aprî lé groûssâ plyozhe d'la né passâ, l'tin de D'vendro sara lanli-lanla; preu en-neblo l'matin avouè onco quaque gôtâ dsu le zhura et la plan-na. Mâ din l'Arp et le Valêse y pluvyra, dé cou dé groûssâ rolye porran assé-bin tonbâ dévant midzo. Vé midzo le syèlo sara à maytiâ avouè dé niola et dé carâ de sèlâo; dé radâ de plyozhe saran possiblyô léno dé mountanye.

 

L'tin d'Dessendo lé 11 (onje) dé mé et demeinzhe le 12 (doje).
Yôra, n
ô pouvein dzha dêre que demeinzhe sara mé crouyo que dessendo... Dessendo dé cou y'ara dé bèla câra de solè, l'aprî-midzo quaque rincha saran possiblyô din lé mountanye. Demeinzhe, l'tin sara mé frâ avouè dé niola et dé cou dl'a ploge (plyozhe), et tôt-paraî dl'a naî d'amo 1400 (mélo-catro-sin) mètro à 1000 (mélo) mètro..

Delon l'tin
dêvria ètre sè avouè preu de sèlâo. Su val d'Aoûta et le vâlese le sèlâo sara dza fran byo !

Demâr sara la jôrna la mé bèla  !! du sèlâo perto et mé deu avouè 19 (dije-nou) à 21 (vinte-yon) dègrè.

 

Arvî à tôt , Arrevêre à tuê et boun'achêsson.

Vocabulaire:
l'Arp: les Alpes
né: nuit
Léno : en haut (=d'amo, d'amont)
dé cou : dé fois
dévan l'vêprô : avant la soirée
y'ara fôta d'oun paraplu : avâi fôta = avoir besoin
tantô : tard dans l'après-midi
Pouët d'tin = crouyo tin : sale temps (Pouët = cochon =caillon)
darî : dernière
èreuza : èreu (heureux), (-za) féminin
frâ : frais (froid)
tôt-paraî: également
naî:neige
Sè: sec

 

 

R'guéta tôt-paraî l'vocabulèro dé jôrn passâ
= voir également le vocabulaire des jours passés.

Lionel Fontannaz,arpitan,francoprovençal,savoyard,l'tin shi no, météo en patois

Dejô d'assêchon lé 9 (nou) de mé. L'matin dzha dé meuton dsu Geneva.


Lionel Fontannaz,arpitan,francoprovençal,savoyard,l'tin shi no, météo en patois

R'guétâ lé meuton, drê dsu la Fnétra.. l'é z'an preu kréssu (kréchu)
Regarde les moutons (cumulus), juste au-dessus de la fenêtre...il ont déjà bien augmenté (croître)

 

Lionel Fontannaz,arpitan,francoprovençal,savoyard,l'tin shi no, météo en patois

Le sèlâo que s'arflète din ouna golya d'éga (d'édya), lé va fâre s'vâporâ sti édya per fâra dè novèl niola.

 

 


Les commentaires sont fermés.