25/04/2013

Dejô l'darî jôrn de solè et d'chalô avouè dé mouai de pollène de byola et d'frényo. Lé niola et la plyhoze r'vîgnant sta fin d'seman-na

 

Lionel Fontannaz, arpitan, l'tin shi no, francoprovençal

Avouè sti kazi tssô-tin, y'a dé mouai  d'Pollène
de Byola, d'Frén(y)o et Sharpèna.

Mâ lé plyozhe de sta fin d'seman-na y'von tôt y nètèyî sta peûfâ..
Lé dzein que san allergicô von arrêta d'moflâ,
lé porran infin rèspirâ fran myo.

Vô povein assébin allâ rguéta lé bulletin-no dé Pollène de MeteoSuisso
Désu l'imazhe lé oun Byola dzha tôt flyor(ès)sî
din la Roua dé "bains" u Geneva.(*)

 
podcast

Dejô sara le darî j(z)ôrn d'soleu (d'cho-è) de la seman-na. Nô aran onco ouna bèla jôrna avouè oun bravô soleu su tôt lo pay-is Arpitan. La jôrna y f'ra de 22 (vinte-dou) à 24 (vinte-catro) dègrè.

D'vendro y'ara onco on bocon de soleu l'matin su l'pay-is d'Aoûta et le valêse, mâ su lé z-âtro câro du pays-is Arpitan le syelo s'en-neblera preu vitô avouè quaque carâ de plyozhe. Din la né de d'vendro à dessendo y'sara fran possiblyô d'aouir l'tonnerô.
Dessendo lé 27 (vinte-cha) et demeinzhe lé 28 (vinte-oui) d'avrî foudrâ comptâ avouè oun crouyo
tin, mé frâ avouè dé niole et dé plyozhe. Demeinzhe d'èspéro qu'y ara quaque rérya de solè et surtôt on bocon mouan de plyozhe.



(*) Avec ce quasiment estival (temps-chaud), il y des de grandes quantités de pollen de bouleau, de frêne et de charme. Mais les pluies de cette semaine vont tout nettoyer cette "poussière"...
les gens allergiques vont s'arrêter de respirer péniblement (moflâ), ils pourront enfin mieux respirer .
Vous pouvez aussi allez regarder le bulletin pollinique de MétéoSuisse.
Sur l'image, c'est un bouleau tout en fleur (fleuri) dans la rue des bains à Genève.

Les commentaires sont fermés.