31/03/2013

Demeinzhe et delon de pâke fran frâ avouè dl'a biza. Devendro lé 29, on aouissèvo dé lavenche din lé Aravis.

"Devendro lé 29 (vinté-nou) dé mâ(r), on aouissèvo (aouissai) lé lavenche que débaroulâvant din lé lavanshî dé mountanye dé Aravis. Sta (rla)mountanye san du coutâ du velâjo dl'a Clusaz, din lo pay-is de la hyaute." (*)

photo lionel fontannaz meteo patois francoprovençal arpitan

30 mâ(r) 2013 - La Clusaz - Lé têt san onco tot plen de naî. L'é onco oun Pèté d'naî.
On pu assébin dère, lé têt san onco tot an-nvolâ. (cf diccionèro Viret)


Apoyî ché (iqué) per acutar lo messajô
podcast

  • La sinta Demeinzhe lé 31 (Treinta-chon) dé mâ : l'tin sara fran fraî avoué dl'a biza . Preu en-neblo l'matin, avouè dé carâ de naî d'amont 500 a 700 mètro, surtot su lé montanye de vô, de fribôrg et du chablé. Dé coup, su la plan-na d'la naî sara tot méklo avoué d'la plyozhe. Lo Soleu arreve ples vito su la Franche-contâ, la Brêsse et le Biojolês. L'aprî-midzo, l'tin sara sè avoué dé bèla carâ de soleu su la plan-na avouè dl'a Biza. Su lé montanye onco dé mouai de niola avouè on u dou flyocon. A la tombâ, l'syelo devindra Cllyâ. Su l'val d'Aoûta preu de soleu avoué du l'oura du No (nord) et du foehn tant qu'à d'avau

    (
    .... Gran marci por le mèssajô de Houè, de Luca du Val d'Aoûta que no at ècrit :" Lo cièl est tot seren")
  • La sinta delon, lé premi jorn du mai d'avri: Y farâ fran fraî avoué dé Dzala a l'arbâ. L'tin sara sè, avouè preu de soleu, surto din lo pay-is du Valêse. L'syèlo s'en-enblarâ vé la vêprenna. Din l'val d'Aoûta preu de soleu l'matin, mâ l'aprî-midzo dé mouai de niola et quaque gottâ possiblyo.

  • Demâr lé 2 (dou) du mai d'avri:  L'syèlo sara à maitya avoué dé niola é du soleu.  Su la plan-na Suisso de nôchâtel vé L'Léman, y'ara dé niola bâssa. Su lo payis d'Aoûta et lo Valêse preu en-neblo.


    Depouè demecrô lé 3 (trè) d'apri 2013, l'tin é hazardâ.

  • Demecrô lé 3 (trè) d'apri et Dejô lé 4 (catro) d'apri: l'tin sara lanli-lanlâ, avoué de carâ de soleu, mâ tot paraî dé niola, et decé-delé oune ptyouta carâ de plyozhe é possiblyo.


    Vocabulaire:


    Mai d'avri : mois d'avril.
    sta :
    cette (aussi ce dit Rla dans le chablais savoyard)
    Cllyâ :
    clair

    dé mouai : beaucoup, nombreux
    flyocon : flocon , (nèvolon, prevôla, prevolèt, prevè, prevula, ...)
    tot méklo: tout mélangé
    Aouir : entendre (se prononce A-ouir)
    Lavenche , Lavin(j)che : avalanche
    Debaroulâr : glisser, descendre, dévaler
    Velâjo : village
    La hyaute : la haute-savoie.
    Lo têt : le toit
    an-nvolâ: adj., couvert de neige (ep. des vêtements) :  -âye, -é (cf Viret)
    velâjo [v(e)ldzo] : village


    (*) "Vendredi le 29 mars, on entendait les avalanches qui glissaient (dévalaient) dans les couloirs d'avalanche des Aravis. Ces montagnes sont du côté du village de la Clusaz en haute savoie (la hyaute).

Commentaires

La mètèo de Lionel Fontannaz l'est sur http://radio-arpitania.eu asse ben!

Écrit par : Dzakye | 01/04/2013

Les commentaires sont fermés.