15/03/2013

L'tin de devendro lé 15 dé mâ a demecrô lé 20 dé mâ 2013

  • Devendro lé 15: adè frâ, mâ la biza va dékraitre. Su la plan-na l'tin sara chè, oncora preu de niola l'matin, mâ tozho mé de soleu dè midzo A Aoûta, byo fèleû avoué l'vin du noo ké va dékraitre.

  • Dessando: Preu de soleu perto. Din l'aprî-midzo l'syèlo s'annebli on bocon dèpouè lé couchant , yé farâ oncoura chè. Din la né, premîre plyozhe, mâ en premî la plyozhe sara PeTRÊRE to méklô avoué de la naî su la plan-na.  

  • Demeinzhe : ouna zhorna pluviosa. Su lo valèse, l'fôhn soflyira, adan on bocon de soleu l'è bin possiblyo. L'fôhn soflyira par à-ko, ouna vèrètâblô tormentâ. L'a naî sara d'amont 1000m. Su l'val d'Aoûta, in premi la naî tonbrâ d'avau su la plan-na, adon d'amont 800 a 1000m (mètro).

  • Delon lé 18 (dijèouè)dé mâ : Oncoura, ouna zhorna pluviosa, l'é possiblyo qu'é roille tant è mé, surtout su lé Pa-yis dé GENEVA, VÔD, SAVOUÈ, BUGÈ, DÔFENÂ, FRANCHE-CONTÂT, BRÊSSE, DOMBA, LIYONNÊS, FORÊZ, BIOJOLÊS, VÂL D'AOÛTA, PIEMONT, FRANCHE-CONTÂT. On orazhô l'é possiblyo. La naî tonbrâ d'amont 800m.  L'matin l'fôhn sofyira tozho par à-ko, oncoura ouna vèrètâblô tormentâ.

  • Demâr lé 19 (dijènou)dé mâ : l'tin sara lanli-lanlâ (instâblyo). Dé cou niolu, dé cou avoué dé karâ de soleul, é dé cou avoué dé karâ de plyozhe é de naî to méklô. Oun orazhô l'é possiblyo avoué dé pezté o dé grénolon.
    Din lé val d'Aoûta, preu de soleu
    .

  •  Demecrô lé 20 dé mâ : l'tin sara ouncora lanli-lanlâ (instâblyo). Dé cou niolu, dé cou avoué dé karâ de soleul, é dé cou avoué dé karâ de plyozhe é de naî to méklô. Su l'val d'Aoûta, preu de soleu é kake niole su lé montanye.

Vocabulaire :
Achûta dévant la né : s'arrêter (de pleuvoir ou neiger) avant la nuit (ou le soir)
Adon : cependant
A l'ârba , voz alla greûlâ, y va cailly: A l'aube, vous allez tremblé, il va faire très froid (cailler).
Avau: en bas
Kake cou: quelques fois (kake kou, kôke kô, Daî coup (vd) , Dé cou, quaque yâdzo (vd),
kâke vyèzho (savoie).
Méklâ : mélanger . To méklo (tout mélangé)
. Aussi Méla, Mélanzhi, breûdâ.

qu'é roille (roye) tant è mé : qu'il pleuve (fortement) tant et plus. (Ro-ille) => Rolyâ. Plovai à Roye (pleuvoir des cordes).
Par à-ko : par coup , en rafales.
lanli-lanlâ : qui change souvent, variable, instable (kinsi-kinsi, instâblyo).
Petzé : grésil (pezté,pézé,pèzô) - Grésiller: pètza,pezetâ,pézotâ. Fère dé pèzté.
Grénolon: petite grêle. Grêle =grélo.


Jour de la semaine:
Delon: lundi
Demâr: mardi
Demecrô:mercredi
Dejô: jeudi
Devendro (d'vendro): vendredi
Dessando: samedi
Demeinzhe: dimanche


Voir aussi le vocabulaire des bulletins précédents.

IMPORTANT:Ce bulletin Météo n'a pour objet que d'enseigner le patois et non pas de renseigner avec fiabilité sur les conditions du temps en cours ou à venir

 

photo.JPG

Devendro lé 15 dé mâ 2013
On byo soleu s'abade su lé lèc lèman.
L'matin l'ayè ouna fran cramine.

Un beau soleil se lève sur le lac léman.
Le matin, il y avait un froid intense. 

(Abadâ : sortir, S'abadâ : sortir, se lever)

 

Les commentaires sont fermés.