12/11/2017

Vêtiâ la gazètta du mê(k) de novèmbro ... bonâ veyâ

journal, gazette, patois, lionel fontannaz

 

.. et quinta météo ?

Aprî la tomèntâ de ceta demènze, y va oncora balyér de nêk delon tant qu'a 600-800 mètro.

Demârs et demècrô la bisâ va chofflâ; èl sarêt prô fortâ diens la cotse (lù carô) de Dzenèvâ.
Lù solê va tornâ a cha-pou chu les son-chèrra [sondzon] mas bas a planna y fodrêt comptâ chu des niolâ bassâ (stratus). Quâques niolâ-bassâ pôrrènt asse-bèn covrî la combâ du Rhonô.

 

13/06/2017

D'la bisâ por lo 79èmo Bol d'or ! et lo "rebiolon" la gazètâ én francoprovençâl, nouthron patouè

Bonzhô a tuî,

Depouès quâque zhôr nos z-èns yu oun veré tèmps de tssâ-tèmps [été] avouè du solè et des viadzô des températurâ utôr de 30 degrès.
Demècrô (dumècrô) et dejô (dezou) lo tèmps sarêt prô instabliô et balyerêt des câre/rinchâye et asse-bèn d'oradzô des coup qué sârènt prô fôrt.
Devèndro(duvèndro) l'oura du nord va portâ de l'ê(r) més/mî frê(k), lo "joran" va sofflâ/chôflâ pèr a-coup de nôchâtè tant qu'u Léman.
Dessèndo et la demènze, y'arêt la 79èmo régatâ du "Bol d'or" , lou bâtiô a vouèlâ pôrrènt profitâ d'unâ brâva bisâ. Cela-tye (sla-tye , la bisâ) porrêt sofflâ èntrâ 3 et 4 beaufort, et pôt-èthre /éfê unâ mitâ de plle. Adon, avouè ceta bisâ lo premî batiô porrêt arvâ dessèndo a né(tte) franc dèvant 18h00 . Dinse/acheïn y sarêt oun Bol d'or franc lèstô/rapidô!

 

Avouètchié/arguètî lo blog de MétéoSuissâ

 

 **********************************************

Lo rebiôlon : la gazèta èn lèngoua francoprovençâl, nouthra patouè.

 

IMG_0716.PNG

****************************************************

IMG_0722.PNG



 

12/05/2017

Depouès delon lo 15 y sarêt lo tssâ-tèmps+ 1 vidèo et enregistradzô en francoprovençal

Bonzhô a tui et totâ,

Depouè l'èntran du mê(k) de Mâye nos z-èns yu prô de niolâ et asse-bèn de plodze. L'oura du sud-ouest va tozhô menâ tantqu'èn-chièz des coup des niolâ qui pôrrènt balyèr des câra de plodze,  des rinchâye, et donc-et-donc (des Coups) balyée d'oradzô. Entrô dou y'arêt asse-bèn des rayâ de solè. Ceti tèmps avouè donc-et-donc des rayâ de solè et donc-et-donc des câra de plodze va continuâ dinse/acheïn tant que la demènze (14.05).

 

Depouès delon lo 15 (quinzô), lo tèmp va prô tsangiâ ! y farêt biô et mès tsâss/tsô ..et sarêt quasu lo tssâ-tèmps avouès 25 tant qu'a 27° a la vêprenna [aprî-denâ].

Mas y sèmble que ceti biô tèmps sarêt dzâ fournî èntro dezou lo 18 et devèndro lo 19 de mâye ...

Arevêre a tui et totâ et tantqu'a la premîr

 

 

ltinshino_meteo.png

 

Reportadzô èn patouè d'Oleïnna (Evolène), Canal9

ltinshino_meteo_2.png

 

On bocon de patouè d'la Savouè :
Bartavalâ dèvant lo spectacliô - discussion avant le spectacle

 

 

30/03/2017

Més tssât que de couthuma, a fin de senanna niolâ et plodze, Delon adés du bio tèmps (tin).

Bonzhô a tuî ( a tcheut)

Lo tèmps passâ:

Lù mê(k) de mâ(rs) de ceti an 2017 (doumeule-dije-chatt) l'a éta oncora oun mê(k) mé (mi) tssô (tsâss,tssat) que de couthumâ.

Ceta senanna, l'éro pas oncora lo tssô-tèmps, mas les températura éront  dzâ prô hiotâ, et des viadzo el éront 5 tant qu'a 7 degrés mé tsâss que normalo. Apri-midzô, bas à planna (u plan) , èls ènt crèchu sovènt utô de 18 deg (dijeouète) chu lo platè, 20 u Vâlè(k) et 23 a veulâ de Lugano.

Crèyî vos (crède vos) pas que nouthra moundo s'est retsôda ? Et bèn ceti mê de mâ(rs) 2017 l'est lo dojièmo(2èmo) mê de mâ(rs) lo més tssô depouès les premîr observachon èn l'an 1864 !

Et fô pas oublâ tôt que l'an 2016 (l'antan) a éta lo djièjièmo an lo mé tssât depouè 1864 !

U mê(k) de mâ(rs), l'a balyé prô (prâ,preû,pròouk) de plodze chu lo vâlèk , lo Tessin et la Val d'outâ. Defourvé*, lù vènss (foehn) lo prô chofflâ. U métèn et surtôt à fin du mê(k) de mâ(rs) y'a fé biô et adon franc tssât .

Por lo zhôr que vugnont ?
Devèndro, lo darî zhôr mê(k) de mâ(rs) sarêt adés bio. Mas èntro dèssendô lo premi d'avrî (01.03) et la demènze (02.03) lo tèmps sarêt prô ènnubla et y balyerêt d'a plodze.
La senanna que vugne ? De Delon (03.04) tantqu'a la demènze (09.03) y'arêt prô de solè chu tôt lo payis arpitan.

Arevère et tantqu'a la premîr

* :vers le nord (Evolène)

 

IMG_0415.PNG

23/02/2017

Fôrtèmps lo dejô, l'huvê(r) lo devèndrô [ le nom des pollens en patois]

Bonzhôr a tuî et totâ, 

Y'a fé prô tsô/tsâss les darî zhôr avouè des températura quasu 5 (chin/thin) tantqu'à 10 (djiè) degré més tsâss que de couthumâ. Delon Apri-midhzô y fassîve utor 15 bas a plan-na et ceti houè(k), dejô y fé adés més tsâss, l'est quasu lo fortèmps. Adon los tsaton/flôss des alonye/koudra et los vernà tôtparî.

Mas la situachon va brâvamènt/pourâmènt tsangiâ la né(tte) que vugne. L'oura prô fôrt d'atlanticâ va balyér oun crouè tèmps et asse-bèn de nê(k) su los sondzon/son-chèrra. Utô de 2000m la températurâ va pourâmènt décrêtre de +4deg ceti dejô/dezou tantqu'a -8deg devèndro.


Dessèndo lo solè va tornâ pertôt avouè ounâ mita/tchickèta de bisâ. La demènze sarêt bèla asse-bèn. Delon lo foehn /vènss va sofflâ su lo valè(k) dèvant oun crouè tèmps qui devrêt arvâ en-chièz /èn-thî nos demâ(r).


Arevêre a tuî et totâ.

 

Patois,francoprovençal,pollen,arbre,Lionel fontannaz

Note: le château de coudraie (région Thonon) : coudra = noisetiers 

IMG_0239.PNG