30/03/2017

Més tssât que de couthuma, a fin de senanna niolâ et plodze, Delon adés du bio tèmps (tin).

Bonzhô a tuî ( a tcheut)

Lo tèmps passâ:

Lù mê(k) de mâ(rs) de ceti an 2017 (doumeule-dije-chatt) l'a éta oncora oun mê(k) mé (mi) tssô (tsâss,tssat) que de couthumâ.

Ceta senanna, l'éro pas oncora lo tssô-tèmps, mas les températura éront  dzâ prô hiotâ, et des viadzo el éront 5 tant qu'a 7 degrés mé tsâss que normalo. Apri-midzô, bas à planna (u plan) , èls ènt crèchu sovènt utô de 18 deg (dijeouète) chu lo platè, 20 u Vâlè(k) et 23 a veulâ de Lugano.

Crèyî vos (crède vos) pas que nouthra moundo s'est retsôda ? Et bèn ceti mê de mâ(rs) 2017 l'est lo dojièmo(2èmo) mê de mâ(rs) lo més tssô depouès les premîr observachon èn l'an 1864 !

Et fô pas oublâ tôt que l'an 2016 (l'antan) a éta lo djièjièmo an lo mé tssât depouè 1864 !

U mê(k) de mâ(rs), l'a balyé prô (prâ,preû,pròouk) de plodze chu lo vâlèk , lo Tessin et la Val d'outâ. Defourvé*, lù vènss (foehn) lo prô chofflâ. U métèn et surtôt à fin du mê(k) de mâ(rs) y'a fé biô et adon franc tssât .

Por lo zhôr que vugnont ?
Devèndro, lo darî zhôr mê(k) de mâ(rs) sarêt adés bio. Mas èntro dèssendô lo premi d'avrî (01.03) et la demènze (02.03) lo tèmps sarêt prô ènnubla et y balyerêt d'a plodze.
La senanna que vugne ? De Delon (03.04) tantqu'a la demènze (09.03) y'arêt prô de solè chu tôt lo payis arpitan.

Arevère et tantqu'a la premîr

* :vers le nord (Evolène)

 

IMG_0415.PNG

23/02/2017

Fôrtèmps lo dejô, l'huvê(r) lo devèndrô [ le nom des pollens en patois]

Bonzhôr a tuî et totâ, 

Y'a fé prô tsô/tsâss les darî zhôr avouè des températura quasu 5 (chin/thin) tantqu'à 10 (djiè) degré més tsâss que de couthumâ. Delon Apri-midhzô y fassîve utor 15 bas a plan-na et ceti houè(k), dejô y fé adés més tsâss, l'est quasu lo fortèmps. Adon los tsaton/flôss des alonye/koudra et los vernà tôtparî.

Mas la situachon va brâvamènt/pourâmènt tsangiâ la né(tte) que vugne. L'oura prô fôrt d'atlanticâ va balyér oun crouè tèmps et asse-bèn de nê(k) su los sondzon/son-chèrra. Utô de 2000m la températurâ va pourâmènt décrêtre de +4deg ceti dejô/dezou tantqu'a -8deg devèndro.


Dessèndo lo solè va tornâ pertôt avouè ounâ mita/tchickèta de bisâ. La demènze sarêt bèla asse-bèn. Delon lo foehn /vènss va sofflâ su lo valè(k) dèvant oun crouè tèmps qui devrêt arvâ en-chièz /èn-thî nos demâ(r).


Arevêre a tuî et totâ.

 

Patois,francoprovençal,pollen,arbre,Lionel fontannaz

Note: le château de coudraie (région Thonon) : coudra = noisetiers 

IMG_0239.PNG

24/01/2017

Adé Frè(k) tant qu'a fin de senanna.

Bonzhô à totâ et à tuî,

Adon, lo frè(k) l'est arva en-chièz nôs comènt MétéoSuissa avêt publiâ . Y'a balyé prô de nê(k) su lo piste de ski et asse-bèn bas à planna/ u plan . Y'a tôt -parî fé unâ veré craminâ avoué à l'arba -5 tant qu'a -15 deg et avouè la bisa fortâ des viadzô y'avêt d'a yache utô du Léman, porque les groussa vague balyîvont des gotta d'égoua qué dzalavont d'oun coup.

Ora et oncora por quâque zhôr , y farêt tozô unâ craminâ , avouè des niola/nioula bassâ bas à planna et du solè su lo sondzon.

À l'èntran de la senanna lo tèmps porrêt tsangiér avouè l'oura d'Atlanticâ qué nôs balyerêt des niola et éfè/pô-èthre d'à nê(k) su lo payi(k) .

Arevêre et tant qu'à la premîr

IMG_0166.PNG

 

 

Le mot du jour:

Ranger
Retriyè : ranger, mettre à l'abris
Arrënjyè: mettre en place, ranger / réparer / rendre service
Y'èth oun bon òòmo, y'arreèïnze tozò kan poûtt
C'est un homme généreux, il rend service chaque fois qu'il peut.
Nendaz: rétrindre, arindjyér, repléé,remijié
FR: Rèduir,remijâ,rèvoudre,inrintyi
Savoie: rènzhî, arduire , étramâ, étramô, aparyié (classer), ptâ/bettâ de couté,(a)rdrethî,redrèfî,
Relèvo, remisô
Y'è pas bèn relèvo (en ordre) shi mè.
T'étramerêt la rasse quand t'arêt furnî = tu rangeras la scie quand t'aura terminé.
Redrèfî lo pèle so la lozhe = ranger la pièce principale (où il y a le poêle) , située dans la petite remise.
Quand vos sède sarvi d'oun mublô, rèduizî le= quand vous avez utilisé un outil (mublô) rangé le.

10/01/2017

A mache de nê tant qu'a la démènze et unâ veré craminâ por los zhôr que vugnont !

Bonzhô a totâ et à tuî,

L'hivê(r) l'è finamènt arvâ en-chièz nos !
Cet houè(k) comènt nos èns publiâ y'a nevé quasu pertôt. Su lo platè suisso y'a balyé quâque centimètro de nê(k).
Demâ(r) a né(tte) tant qu'a demècro à fin de zornivâ lo tèmps (tin) sarêt prô chè, dé-adon lo tèmp sarêt prô/proouk ennublâ et y bayerêt brâvamènt de nê(k).
De dezô tant qu'a dessèndo y porrêt balyér 30-60cm de nê, et u bas valês, dièns lo payis d'a Savouè et asse-bèn chu les sondzon /son-chèrrâ de fribouâ 40-70cm.
L'oura va sofflâ prô fô(rt) va fère crêtre lo risko de lavènste/laveïntsu.

Dès devèndro unâ véré craminâ va arvâ en-chiez nôs. Utô de 3000m la tempèratura va decrêtre de -7deg C tant qu'a -18degC.
Y farêt adés més/mî frê(k) a l'èntran de la chenanna que vugne/vint, surtôt avouè la bisa.
(Vêre lo blog de MétéoSuissa: épisodes neigeux à répétition et "grand froid en vue")

Arevêre a tota et a tuî et tant qu'à la premîr .

 

IMG_0128.PNG

24/12/2016

2016 més tssô/tssâ que de couthumâ ... et tozhô pas de nê(k) por les zhôr que vugnont

Bonzô a tuî et totâ !

Lo tèmps de l’an passâ :

L’an 2016 éro [îro] 0.6° tant qu’a 0.7 degré de-ple que de couthumâ (norme 1980-2010). Cet'annaye éro unâ des més tssâde des djiè-j-annaye les més tssâde depouès l’èntrant des observachon èn 1864.
 
A l’èntrant de 2016 nos z-èns yu des températurâ d’huvê(t) pré desla-tye [steu chilya, rla-tye] qu’éront des « records ».

Dedèns-vè [u Nord des Alpes] por les 6 [chi] premî mê(k) de l’an , nos z-ènt yu oun mache de plodze [plòouzu], l’éront tôt-parî les més blyè [mî ènkuvâdepouès l’èntran des observachon èn 1864. Lo tssô-tèmps [tssâ-teïn] est arvâ tôt plyan u mè(k) de julyèt, et l’est pyè [solamèn ; lamèn] u mè(k) de sèttembrô qu’ul a fé més tsâss que de couthumâ. A la fin de ceti an, por cèn que nos z-èns yu unâ hiotâ-prèchon por grant-tèmps, a fin du mê(k) de décèmbro y manquâve de nê(k). L’est dommadzô, porqué u mê(k) de novèmbro y’avêt bayé prô [pròouk] de nê(k), mas lo vènss [mèdze-nê, foehn] et pouès lo solè z-èns tôt terrènâ [faire fondre et faire apparaître la terre] (por vêre lo texto de MétéoSuisse)

 

Por los zhôr que vugnont ?:

De tsalèndâ (Noël) dessendô 24, tant qu’a delon lo 26 de décembrô lo cièlo va des viadzô s’ennublâ et balyér donkè-donke [des viadzo] quâque gottâ de ploze. Mas de demâ(r) tant qu’u darî zhôr de l’an y’arêt des broyâ [tsenevu] chu lo platè et du solè [soleu, cholâ] d’atrô part.

 

Arevêre , bélâ féthâ de tsalènda et boun-an !

 

Clicâ inque por acutâ (ahuktâ):


podcast


 

 

23122016.PNG

 

Voeux_patois_2017.png